Bekkjarfundir

Bekkjarfundir er námskeið fyrir starfsfólk leik-, grunn- og framhaldsskóla sem vill efla eða innleiða markvissa bekkjarfundi í skólastarfi. Á námskeiðinu er lögð áhersla á fræðilegan grunn bekkjarfunda, undirbúning nemenda fyrir virka þátttöku, skipulag og leiðsögn funda og hagnýt verkfæri sem nýtast við undirbúning og framkvæmd.

Þátttakendur fá jafnframt tækifæri til að skoða hvernig bekkjarfundir geta nýst markvisst í skólastarfi og æfa sig í að halda bekkjarfund með leiðsögn og stuðningi.

Markhópur

Starfsfólk leik-, grunn- og framhaldsskóla, einkum kennarar, stuðningsfulltrúar og stjórnendur.

Markmið námskeiðsins

Að námskeiði loknu eiga þátttakendur að:

þekkja fræðilegan grunn bekkjarfunda,
geta undirbúið og leitt bekkjarfundi,
geta nýtt verkfæri við undirbúning og framkvæmd funda,
skilja mikilvægi þátttöku nemenda í bekkjarfundum,
þekkja tengsl bekkjarfunda við grunnþætti menntunar.

Um bekkjarfundi

Markvissir bekkjarfundir byggja á góðum undirbúningi og því að kennari þekki og geti lesið nemendahópinn. Mikilvægt er að undirbúa nemendur fyrir virka þátttöku og skapa skýran ramma um fundina.

Skipulag og örugg, markviss fundarstjórn eru mikilvægir þættir í því að bekkjarfundir nýtist sem hluti af skólastarfinu.

Fyrirkomulag og umfang

Námskeiðið er haldið í þátttökuskóla og er í boði sem 2, 3 eða 4 klukkustunda námskeið. Um er að ræða sama námskeið í mismunandi umfangi.

Eftirfylgd og stuðningur

Í kjölfar námskeiðsins geta skólar óskað eftir frekari eftirfylgd og stuðningi.

Eftirfylgdin getur stutt kennarahóp við að festa bekkjarfundi í sessi, þróa vinnubrögðin áfram og efla bekkjarfundamenningu skólans með markvissum hætti.

Umsagnir þátttakenda

„Flott og líflegt námskeið sem mun nýtast í praktík.“

„Nauðsynlegt að fá upprifjun og hugmyndir sem nýtast beint í kennsluna.“

„Græddi mikið þrátt fyrir að hafa haldið bekkjarfundi á annan tug ára.“

Nánari upplýsingar

Ragnhildur Íris Einarsdóttir
ragnhildur@unak.is