Leiðtoganám í læsi - 15 ECTS einingar

Leiðtoganám í læsi

15 eininga leiðtoganám á framhaldstigi í læsi

LEIÐTOGANÁM Í LÆSI: Læsi í skóla, Byrjendalæsi og Læsi fyrir lífið. Námið er á framhaldsstigi og í umsjón MSHA. Meginmarkmið leiðtoganámsins er að styrkja kennara faglega sem leiðtoga í námssamfélagi læsiskennara í grunnskóla. Kennsla fer fram á þremur misserum og geta þátttakendur lokið því á einu og hálfu ári. Þátttakendur þurfa að vera starfandi kennarar og hafa möguleika á að tengja námið við starfsvettvang.

Í námsskeiðinu er sjónum beint að hlutverki leiðtoga í læsi. Jafnframt að gera þátttakendur meðvitaðri um eigin starfskenningu og hvernig starfstengd leiðsögn getur eflt faglega starfshæfni m.a. einstaklinga, hópa og reyndra kennara. Leiðtogi í læsi leiðir námssamfélag kennara í sínum skóla með félagastuðningi, samræðum um efni og aðferðir. Viðfangsefnin miða að því að auka og dýpka þekkingu kennara á fjölbreyttum aðferðum sem styðja og efla læsi á öllum stigum grunnskólans og færni í að nota þær. Fjallað er um leiðir til að efla orðaforða og skilning, ritun, samvinnunám og samræðu til náms. Athygli er beint að mikilvægi áhugahvatar fyrir læsisnám, sjálfstæði í námi, námsaðlögun og námsvitund. Á námskeiðinu er horft á viðfangsefni læsis í ljósi tækniþróunar nútímans. Kynnt verða smáforrit sem eru sérstaklega gerð til að þjálfa ýmsa færniþætti í læsisnámi grunnskólanemenda.

Markhópur:
Kennarar með leyfisbréf og hafa tveggja ára starfsreynslu

Umfang:
Námið er á meistarastigi. Kennsla fer fram á þremur önnum og geta þátttakendur lokið því á einu og hálfu ári. Hvert námskeið er 5 ECTS einingar.

Lýsing:
Námið er vettvangs- og starfsmiðað og munu þátttakendur gera rannsókn á vettvangi þar sem þeir afla gagna sem unnið er úr í samráði við kennara í þeirra skólum og aðra þátttakendur í náminu. Kennsla í náminu verður með fjölbreyttum hætti í formi fyrirlestra, umræðna, verkefnavinnu og fjarfunda. Lögð er áhersla á kennsluhætti sem hvetja til virkrar þátttöku.

Markmið:
Í náminu er sjónum beint að hlutverki leiðtoga í læsi. Meginmarkmiðið er að styrkja nemendur sem faglega leiðtoga í námssamfélagi læsiskennara og styðja við þá kennslufræðilega. Jafnframt að gera þátttakendur meðvitaðri um eigin starfskenningu og hvernig starfstengd leiðsögn getur eflt faglega starfshæfni m.a. einstaklinga, hópa og reyndra kennara. Leiðtogi í læsi leiðir námssamfélag kennara í sínum skóla með félagastuðningi, samræðum um efni og aðferðir. Viðfangsefnin miða að því að auka og dýpka þekkingu þátttakenda á fjölbreyttum aðferðum sem styðja og efla læsi á öllum stigum grunnskólans og færni í að nota þær. Fjallað er um leiðir til að efla orðaforða og skilning, ritun, samvinnunám og samræðu til náms. Athygli er beint að mikilvægi áhugahvatar fyrir læsisnám, sjálfstæði í námi, námsaðlögun og námsvitund. Í náminu er horft á viðfangsefni læsis í ljósi tækniþróunar nútímans. Kynnt verða smáforrit sem eru sérstaklega gerð til að þjálfa ýmsa færniþætti í læsisnámi nemenda og sköpun.

Fyrirkomulag:
Tvær staðlotur eru, ein á fyrstu önn og ein á annarri önn.
Önnur kennsla fer fram í gegnum fjarkennslu. Kennslan fer fram í gegnum kennslukerfið Canvas, þátttakendur hafa aðgang að öllu kennsluefni og fyrirlestrum á netinu.

Að loknu námi:

vera fær um að sinna leiðtogahlutverki í skólastarfi,
vera fær um að stýra starfsþróunarverkefnum innan skóla,
vera fær um að setja fram áætlanir um notkun viðeigandi verkfæra í upplýsingatækni sem nýta má til eflingu læsis.

geta nýtt þekkingu á kennsluaðferðum læsis við samþættingu námsgreina og athafnamiðað nám,
þekkja aðferðir til að örva mál og hlustun og geta beitt þeim,
þekkja aðferðir til að örva og styðja við yndislestur og geta beitt þeim,
vera fær um að sýna frumkvæði við sjálfstæða öflun gagna, mat og úrvinnslu í starfi á sviði læsismenntunar,
hafa leikni í að beita þekkingu sinni og úrlausnarhæfni við að þróa og leysa verkefni tengd læsi í skólastarfi,
geta miðlað til foreldra fræðslu og ráðgjöf um læsi,
vera fær um að sinna leiðtogahlutverki í skólastarfi,
vera fær um að stýra starfsþróunarverkefnum innan skóla,
vera fær um að setja fram áætlanir um notkun viðeigandi verkfæra í upplýsingatækni sem nýta má til eflingu læsis.

Áherslur á námskeiðum

1 önn

2 önn

3 önn

Á námskeiðinu er fjallað um læsi og helstu kenningar og rannsóknir er varða lestur og læsi.

Áhersla verður lögð á að nemendur læri aðferðir til að efla orðaforða og skilning. Einnig verður lögð áhersla á orðaforðavinnu og ritun í þróun læsis.

Lögð er áhersla á að auka þekkingu nemenda á því hvað felst í leiðtogahlutverkinu, einkenni leiðtoga og samtalstækni.

Á námskeiðinu fá nemendur þjálfun í að nýta upplýsingatækni til að styðja við og efla læsi grunnskólanemenda.

Á námskeiðinu verður fjallað um hugtök sem lúta að markmiðssetningu fyrir nám, kennslu og námsmat.

Nemendur fá þjálfun í að nýta þekkingu á aðalnámskrá grunnskóla í áætlanagerð fyrir nám og kennslu í læsi.

Áhersla verður lögð á margþættan og ólíkan stuðning nemenda til náms og hvernig kennari getur komið til móts við fjölbreyttan nemendahóp með sveigjanlegu skipulagi og fjölbreyttum kennsluaðferðum.

Á námskeiðinu verður fjallað um mikilvægi yndislesturs, tals og hlustunar í kennslu í tengslum við læsi.

Nemendur læra markvissar aðferðir til að efla samþættingu námsgreina sem styrkja fjölbreyttar kennsluaðferðir og skapandi starf í kennslu læsis.

Á námskeiðinu verður fjallað um breytingar á íslensku samfélagi með hliðsjón af breytingum á samsetningu fjölskyldunnar og fólksflutningum.

Áhersla verður lögð á hvernig styðja megi við foreldra í læsisnámi barna sinna.