Vertu næs!

Vertu næs! er 60 mínútna fyrirlestur fyrir stúlkur í 6.–10. bekk þar sem sjónum er beint að samskiptum, eigin þætti í samskiptum og mikilvægi þess að rækta heilbrigð samskipti. Í kjölfarið er haldinn 60 mínútna fyrirlestur fyrir foreldra sem byggist á sama efni en er aðlagaður að foreldrahópnum.

Fyrirlesturinn getur verið viðbót við verkefnið Samskipti stúlkna – leið til lausna eða staðið sjálfstætt. Hann getur nýst bæði í fyrirbyggjandi starfi og þegar vinna þarf með krefjandi samskipti eða samskiptamynstur sem hafa komið upp í hópi.

Markhópur

• Stúlkur í 6.–10. bekk.
• Foreldrar þeirra.

Markmið

Markmið fyrirlestursins er að:

• vekja athygli á mikilvægi góðra samskipta fyrir einstaklinginn og aðra,
• beina sjónum að mikilvægi heilbrigðra samskipta,
• hvetja þátttakendur til að skoða eigin þátt í samskiptum og taka ábyrgð á eigin hegðun.

Fyrirkomulag

Fyrirlestur fyrir stúlkur

Fyrirlesturinn tekur 60 mínútur og er fluttur fyrir stúlknahóp í skólanum. Að hámarki 30 stúlkur eru í hverjum hópi.

Fyrirlestur fyrir foreldra

Í kjölfarið er haldinn 60 mínútna fyrirlestur fyrir foreldra. Hann byggist á sama efni og fyrirlesturinn fyrir stúlkurnar en er aðlagaður að foreldrum.

Foreldrafyrirlesturinn er alltaf hluti af fyrirkomulaginu. Ef fleiri en einn stúlknahópur fær fyrirlestur er haldinn einn sameiginlegur fyrirlestur fyrir foreldra allra hópanna.

Hópastærð og staðsetning

Að hámarki 30 stúlkur eru í hverjum stúlknahópi. Fyrirlesari MSHA flytur fyrirlesturinn í skólum um land allt.

Nánari upplýsingar

Ragnhildur Íris Einarsdóttir
ragnhildur@unak.is