Málþing um hæfnimiðað námsmat

Þátttakendur á málþingi um hæfnimiðað námsmat

Mennta- og menningarmálaráðuneytið hélt málþingið í samstarfi við Samband íslenskra sveitarfélaga og Kennarasamband Íslands. Á þinginu var fjallað um nýtt námsmat, sem grundvallast á hæfni nemenda  og er kynnt í nýjum aðalnámskrám leikskóla, grunnskóla og framhaldsskóla. Fjallað var um námsmat í skólastarfi í víðum skilningi og tækifæri gafst til að miðla hugmyndum og reynslu milli skóla og skólastiga.

Málþingið fór fram á tveimur stöðum Háskólanum á Akureyri og Flensborgarskóla í Hafnarfirði. Inngangserindi og kynningar voru sendar út samtímis á vef í gegnum  fjarfundabúnað. Málstofur á Akureyri voru skipulagðar af miðstöð skólaþróunar við Háskólann á Akureyri og voru þátttakendur 107 fyrir norðan. Inngangsfyrirlestrar þingsins voru fjórir og var fyrirlestur Jóns Baldvins Hannessonar skólastjóra í Giljaskóla sendur út frá Akureyri. 

Málþingið tókst í alla staði vel og verður afrakstur málstofa birtur á vef Mennta- og menningarmálaráðuneytisins namskra.is og víðar.