Fréttir

Í haust hóf Sigrún Helga Snæbjörnsdóttir störf hjá okkur á Miðstöð skólaþróunar.

Viðurkenningarráð Íslensku menntaverðlaunanna hefur tilkynnt hver hljóta tilnefningu til verðlaunanna í ár. Þetta er í sjötta skipti sem verðlaunin eru veitt eftir að þau voru endurreist 2020.

Haustdagur grunnskólanna var haldinn 14. ágúst í Háskólanum á Akureyri með þátttöku um 300 kennara, stjórnenda og starfsfólks úr 16 grunnskólum á svæðinu. Dagskráin var fjölbreytt með fyrirlestrum, málstofum og kynningum á skólastarfi þar sem áhersla var lögð á gæði kennslu, farsæld nemenda og fagmennsku kennara. Deginum lauk með árganga- og fagfundum þvert á skólana. Viðburðurinn var vel heppnaður og veitti þátttakendum innblástur fyrir komandi skólaár.

Málþingið Velferð – nám og líðan nemenda og kennara verður haldið miðvikudaginn 23. apríl frá klukkan 14:00-16:00 Á málþinginu verður fjallað um fyrstu niðurstöður norræna rannsóknarverkefnisins INSPECT. Kynnt verða sjónarmið nemenda og kennara um ýmsa þætti náms og kennslu. Málþingið fer fram á vef og er þátttakendum að kostnaðarlausu. Öll velkomin!

Minnt er á að opnað hefur verið fyrir tillögur um tilnefningar til Íslensku menntaverðlaunanna sem veitt verða í á Bessastöðum í nóvember. Verðlaunin eru veitt fyrir framúrskarandi skóla- eða menntaumbótastarf, kennslu, þróunarverkefni, iðn- og verkmenntun, auk sérstakra hvatningarverðlauna.

Í haust býður MSHA upp á 10 eininga ECTS námskeið í Mannkostamenntun. Námskeiðið er ætlað starfandi kennurum í leik-, grunn- og framhaldsskólum. Námskeiðið hefst 8. september. Skráningarfrestur er til 15. júní. Kennslan fer fram í fjarnámi yfir tvö misseri, með rafrænum lotum og verkefnavinnu. Námið kostar 250.000 kr.

Háskólinn á Akureyri (HA) í samstarfi við Miðstöð menntunar og skólaþjónustu (MMS), Akureyrarbæ og Kennarasamband Íslands (KÍ) bjóða á Ráðstefnu um gæði kennslu. • Staðsetning: Hátíðarsalur HA • Dagsetning: Laugardagur 5. apríl 2025 • Tími: 9:30 – 16:00

Gaman saman er leikjanámskeið byggt á námsefni sem Miðstöð skólaþróunar í HA hefur verið að þróa. Námskeiðinu fylgir leikjabókin Gaman saman á rafrænu formi.