Fréttir

Viðurkenningar úr minningarsjóði Rósu Eggertsdóttur voru veittar í fyrsta sinn á Námstefnu um Byrjendalæsi, sem haldin var í Háskólanum á Akureyri föstudaginn 11. september. Með viðurkenningunum var framúrskarandi starf kennara og leiðtoga í þágu læsismenntunar heiðrað og athygli vakin á góðum starfsháttum sem styrkja læsi nemenda.

Ráðstefnan er á vegum Miðstöðvar skólaþróunar við Háskólann á Akureyri og Kennaradeildar Háskólans á Akureyri. Að þessu sinni er ráðstefnan haldin í samstarfi við NNFF (Norrænt net um rannsóknir á kennslufræði fyrsta máls) og fer einkum fram á ensku og að hluta til á skandinavískum málum. Á laugardag verða haldnar málstofur fyrir þá sem vilja flytja erindi sín á íslensku. Við bjóðum fræðafólk, doktorsnema, kennara af öllum skólastigum og annað fagfólk hjartanlega velkomið til að ræða nýjustu þekkingu í kennslu fyrsta og annars máls. Ráðstefnan er vettvangur fræðilegrar umræðu, miðlunar hugmynda og samstarfs þvert á tungumála-, menningar- og landfræðileg landamæri.

Vertu með á Vorráðstefnu Miðstöðvar skólaþróunar og Kennaradeildar HA í samstarfi við NNFF þar sem rætt verður um mörk, flæði og framtíð kennslu móðurmáls og annarra tungumála. Ráðstefnan er á vegum Miðstöðvar skólaþróunar við Háskólann á Akureyri og Kennaradeildar Háskólans á Akureyri. Að þessu sinni er ráðstefnan haldin í samstarfi við NNFF (Norrænt net um rannsóknir á kennslufræði fyrsta máls) og fer einkum fram á ensku og að hluta til á skandinavískum málum. Á laugardag verða haldnar málstofur fyrir þá sem vilja flytja erindi sín á íslensku. Við bjóðum fræðafólk, doktorsnema, kennara af öllum skólastigum og annað fagfólk hjartanlega velkomið til að ræða nýjustu þekkingu í kennslu fyrsta og annars máls. Ráðstefnan er vettvangur fræðilegrar umræðu, miðlunar hugmynda og samstarfs þvert á tungumála-, menningar- og landfræðileg landamæri.

Um 350 manns sóttu Námstefnu í Byrjendalæsi og ráðstefnuna Læsi til náms og yndis sem haldnar voru í Háskólanum á Akureyri dagana 11. og 12. september. Þar komu saman kennarar, fræðafólk og aðrir sem starfa að menntun barna til að ræða læsi, lestrarkennslu, lestrargleði og þróun skólastarfs. Tveir þekktir erlendir sérfræðingar á sviði læsis og menntunar, Dominic Wyse og Pernille Ripp, voru meðal aðalfyrirlesara daganna. Þau nálguðust læsiskennslu frá ólíkum sjónarhornum og tengdu saman rannsóknir, kennslufræði og reynslu úr skólastofunni.

Þrátt fyrir PISA-tíðindi dagsins höldum við áfram að vinna að læsi af krafti og viljum nota tækifærið til að benda á nýtt efni frá MSHA sem getur nýst í læsisvinnu með nemendum.

Haustdagur grunnskólanna var haldinn 14. ágúst í Háskólanum á Akureyri. Þar komu saman um 350 kennarar, stjórnendur og starfsfólk úr 15 grunnskólum á Norðurlandi. Haustdagurinn hefur fest sig í sessi sem mikilvægur hluti af upphafi skólaársins. Markmið dagsins er að skapa vettvang fyrir starfsfólk skólanna til að dýpka faglega þekkingu og styrkja samstarf innan skólasamfélagsins á svæðinu.

Nýtt skólaár er hafið og starfið hjá okkur á miðstöðinni rúllar af stað með krafti. Við leggjumst í ferðalög um landið, heimsækjum skóla, höldum námskeið og tökum þátt í fjölbreyttu þróunarstarfi með öflugu skólafólki.

Spennandi námskeið - fyrir ÍSAT kennara á öllum skólastigum! Í haust verða námskeið bæði í Reykjavík og á Akureyri.

Miðstöð skólaþróunar býður upp á heildstæðan stuðning við starfsþróun á flestum sviðum skólastarfs. Vel rannsakað starfsþróunarlíkan. Fræðsla, ráðgjöf og stuðningur sem sniðinn er að þörfum skóla til lengri eða skemmri tíma. Aukin gæði í kennslu, læsi á öllum skólastigum, mannkostamenntun, leiðsagnarnám, skólastjórnun, kennsla ÍSAT nemenda, efling teyma, námssamfélaga o.fl.

Við óskum eftir erindum á málstofur frá kennurum á öllum skólastigum, fræðafólki og öðrum áhugasömum um efni ráðstefnunnar.